Vice Presidente PSD, Agosto Tara, dehan Xanana ho La Sama Figura Unidade Nacional

Iha deklarasaun ba Jornal Nacional Diário (JND) Vice Presidente PSD, Agosto Tara haktuir katak, ”Xanana ho La Sama figura Unidade Nasional”. Haktuir tan Deputado PSD, Agosto Tara, ”nia foti dezisaun fó konfiansa ba kandidatura Fernando La Sama de Araujo atu sai Presidente Republika (2012-2017), tanba La Sama nudar figura jerasaun foun ida ne’ebe maka kaer metin unidade nasional hanesan Xanana Gusmao atual Primeiru-Ministru”.

”Hau uluk seidauk sai Deputado, hau hanoin Xanana deit maka ema numeru um iha Timor-Leste, enquantu wainhira hau sai nudar deputado, hau hare La Sama quando koalia buat ruma hotu-hotu rona no halo tuir, ne’e hatudu katak, La Sama mos iha karisma no hanesan figura Unidade Nasional”, dehan Agosto Tara, ex-Guirelheiru Resistencia Armada no aktual Vice Presidente PSD!

Fonte: Jornal Nacional Diário (JND), 31.01.2012, paj. 15!

Partido CNRT mos apoio La Sama ba Presidente 2012-2017

Partidu CNRT, Distritu Cova Lima, liu hosi Edi Moniz hatete katak, ”Lasama avansa ba kandidatu Presidente Republika la la’o mesak, maibe konta mos ho sira”. Haktuir tan Edi moniz, ”La Sama nudar lider potensial Timor-Leste nian, tamba ne’e, ba eleisaun Presidensial mai, La Sama sei konta mos ho sira (CNRT (JND, edisaun Segunda-Feira, 30.01.2012, paj. 15)”.

Sekretariu Jeral Partidu CNRT, Dionisio Babo koalia, “lider potensial foun atu lidera nasaun Timor-Leste maka hanesan La Sama no Taur hanesan segunda jerasaun nian. Tanba ne’e, CNRT fo liberdade ba nia militantes atu fihir Presidente republika hodi sai mahon ba ema hotu, ne’eduni militantes ida-idak, iha liberdade atu hili lider ba Nasaun ida ne’e”. 

Fonte: Jornal Nacional Diário (JND), edisaun Quinta-feira, 18/01/2012, Paj. 5!

Representante Parpol Distritu Ainaro Apoio kandidatu La Sama

Representante Partidu Politiku (Parpol) iha Ainaro fo apoiu ba kandidatu Presidente Republika Fernando La Sama de Araujo tamba konsidera La Sama lider jerasaun foun ne’ebe hamrik lori unidade nasional.

Iha Distritu Ainaro, sabado (28/01/2012), bainhira forma equipa susesu ba kandidatura Presidente Republika Fernando La Sama de Araujo, hetan partisipantes hosi partidus seluk hanesan ASDT, PSD, PPT no UNDERTIM. No iha oportunidade ne’e reprezentantes partidu sira ne’e afirma sira nia pozisaun hodi fo apoio ba kandidatu La Sama (hare Jornal Nacional Diário, edisaun Segunda-feira, 30.01.2012, pajs. 1 e 15)!

PSD, Presidente Distritu Ainaro

Presidente PSD Distritu Ainaro, Tarciso haktuir katak, ”PSD fó apoio tomak ba La Sama hodi manan iha eleisaun Presidensial”. Haktuir tan Tarciso, ”PSD laos fó apoio deit ba La Sama iha distritu Ainaro, maibe PSD distritu seluk mos sei fo votus ba La Sama nudar figura potensial”. Tenik tan Tarciso, ”dezisaun fó apoio ba La Sama ne’e ami hamutuk ho katuas deputadu Tara e inklui colega sira barak maka desidi hodi fó apoio ba La Sama, ne’ebe ami ne’ebe fó apoio ba La Sama hosi Distritus, hanesan: PSD Bobonaro (Maliana), PSD Distritu Maun Fahe (Same), PSD Distritu Kova Lima (Suai), ami foti dezisaun katak, saida maka akontese mos ami simu, tamba ami nia konsciensia mora no iha responsabilidade ba ami nia militante iha Distritus atu fó apoio ba La Sama”, tenik Tarciso (idem).

PPT, Agapito Fatima Martins

”Ami nia Presidente Avo Jacob Xavier mos fó orientasaun baa ami hotu iha Distritus 13 katak, ami nia kandidatu maka La Sama, ne’eduni ami sei fó apoio tomak ba La Sama iha eleisaun Presidensial mai ne’e hodi compete ho se se deit para manan”, defende Agapito Fatima Martins (idem).

UNDERTIM, Kordenador Filomeno Martins

“UNDERTIM Ainaro sei fó apoio ba La Sama tamba La Sama Ainaro nia oan no mos ba Timor tomak nia oan, tamba nia lider ida ke diak hakuak ema hotu (idem)”.

Konsolidasaun PD Iha Kristu Rei “Lasama Sei Rejistu Nia Kanidatura Ba PR Iha Fulan Fevereiru”

Prezidente Partidu Demokratiku Fernando de Araujo de Lasama fo pose ba kordenadores Partidus hamutuk 66, ho pose ne’e sei habelar programa partidu nian iha Suku no Aldeia no PD garantia katak, PD sei hetan rejultadu diak iha sub Distritu Kristu Rei.

Liu husi konsolidasaun partidu Demokrata ne’ebe hala’o foin lalais ne’e, iha Aldeia Namlai Sub Distritu Kristu Rei, Fernando Lasama fo pose ba kordenadores partidu husi Aldeia hat hanesan, Kaisabe, Daralau, Karau Mate no Fatuk Francisco, Fernando Lasama hateten, ho konsolidasaun ne’e abut PD iha sub Distritu Kristu Rei sei metin.

“Hanesan Partidu rasik sei portifika, nune’e mos preparasaun hodi hasoru eleisaun lejislativu ho mos Presidensial, ami mos espera katak, partidu demokrata buras ba dadauk, iha ona aseitasaun, iha baze ida ne’e uluk partidu seluk ninian, ohin komunidade iha ne’e maka simu Partidu Demokratiku, hasae Bandeira Partidu demokratiku iha ne’e, hanesan Prezidenti Partidu hau senti haksolok,” dehan Lasama.

Entertantu koordenador Partidu Demokrata husi sub Distritu Kristu Rei garante katak, PD sei manan iha sub Distritu refere.

Wainhira husu konaba kandidatura Fernando lasama ba Prezidenti da Republika, nia hateten sei ba rejistu iha Tribunal Rekursu iha Fulan Fevereiru.

TVTL, 23 Janeiru 2012