Deklarasaun Maun Boot Horta Hanesan Lamina Kroat

STL, 31 Maiu 2012 

 

Ramos Horta - La Sama

Hanesan ema hotu hatene, tuun husi kargo Prezidenti da Republika, Jose Ramos Horta hola parte ba iha Partido Democrata (PD). Mesmu nia latama listha kandidatura PD ba Parlamento Nasional, figura diplomata kaliber mundial nee, hakarak hato’o ka fahe ninia edukasaun politika praktis ba militantes no simpatizantes, liliu foinsae sira, maka hamahon an iha payung PD.

Iha premeiru enkontru ho militantes no simpatizantes PD loron hirak liuba iha Dili, premeu Nobel da Paz 1996 nee, ho lingua diplomatika fase “komunidade politika PD” nia hanoin relasiona ho eleisaun parlamentar mai nee. Ho liafuan simplis, nakonu ho diplomatis, Horta hateten, “Maun boot La Sama (aktual Prezidenti PD) hateten mai hau katak, kuandu PD manan eleisaun parlamentar no forma governusaun foun, maun boot Xanana Gusmao sei tama iha governusaun foun”.

Mesmu Secretario Geral Partido CNRT, Dr. Deonicio Babo Soares responde katak, deklarasaun maun boot Horta nee lafo influensia politika ba votantes CNRT, maibe ita sente deklarasaun Horta, bele dehan kroat hanesan “lamina kroat”. Ko’a “komunidade politika CNRT” nia fuan aten, hatudu kbit ida no bele baku fila sira nia hanoin husi CNRT.  

“Ami hatene ona katak, votus iha baze, PD nia pozisaun halo nusa. PD nian massa real nee iha ona, ita hatene no respeita. CNRT nian massa real mos iha tiha ona, nomos Fretilin. Agora, halo nusa mak ita bele dada tan ema, maibe hau hanoin ho apoiu vontade politika nebee maka  povu barak hatudu ona ba Maun Xanana ho CNRT, i sira fiar ba lideransa nebee mak forte ba programa nebee diak ba dezenvolvimentu ba fururu nebee mak diak. Tan nee, hau haoin Maun Horta nia deklarasaun sira nee, sei laiha impaktu,” hateten Deonisio ba jornalista iha Sede Bairro dos  Grilhos-Dili, Tersa (29/5).

Parte seluk, deklarasaun maun boot Horta nee mos, hanesan “diman ida” ba CNRT para servisu maka’as liutan, hametin liutan sira nia konsolidasaun ba militantes sira iha baze. Atu nunee, bele kompete diak liutan hodi manan votus barak. Mesmu deklarasaun maun boot Horta la reprezenta PD nia hanoin, maibe lingua diplomatika versaun Horta nian nee, bele fila komunidade CNRT nia hanoin iha baze.

Tamba nee, membru strutura Partido CNRT husi nasional ba to’o baze presiza monta stretagia lingua politika ne’ebe “bukan main” para prevene laloran diplomasia politika sekaliber maun boot Ramos Horta. **

“Ramos Horta Lori Xanana Buka Votus Ba PD”

JI, 30 Maiu 2012

  Dionisio Babo CNRT 

Sekretariu Jeral Partidu Congresu Nasional Rekonstrusaun de Timor (CNRT), Dionisio Babo desmente deklarasaun eis Prezidenti Republika Jose Ramos Horta ne’ebe lori figura Xanana Gusmao nia naran hodi buka votus ba partidu Demokratiku (PD).

Tuir deklarasaun Jose Ramos Horta wainhira partisipa iha konsolidasaun partidu PD nian iha Bidau, sabadu foin lalais ne’e deklara ba militante no simpatizante inklui mos povu tomak atu fo votus ba PD hanesan mos vota ba CNRT, tamba PD manan, Prezidenti Partidu CNRT kontinua Primeiru Ministru.

Ho deklarasaun ne’e, tuir Dionisio katak, lider politiku Timor-Leste ida hanesan Horta, ne’ebe hamutuk ho Prezidenti Partidu Demokratiku (PD). Fernando La sama de Araujo, komesa lori ona militante CNRT atu vota PD.

Tuir sekjer Babo, deklarasaun buka votus la fo impaktu ba partidu CNRT, maski iha ona manipulasaun husi lideransa.

“Hau hanoin ital abele uza fali partidu seluk hodi manipula militante partidu CNRT, ida ne’e ba militante CNRT no ba Povu TL, hahalok ida ne’e, ema haree hamnasa fali,” deklara Deonisio iha Sede CNRT Bairo Do Grilos. Tersa (29/05).

Nia mos konsidera ho lia fuan husi Horta ne’e, politika ida ne’ebe komesa lohi povu, tamba konsidera hanesan kebohongan publika.

Babo dehan, Militante Partidu CNRT iha konsensia politika, lider politika sira labele hanoin povu Timor-Leste mesak beik ten hotu, hodi husu militante partidu ida atu hili fali partidu seluk hodi bele foti lider.

“ITa labele hanoin katak, povu ne’e mesak beikten deit, no hahalok ida ne’e ita eduka povu atu sai beik liu tan, ital abele halo ida ne’e hodi akontese iha ita nia rai, tamba ita nia povu ne’e matenek, ne’ebe sira la rona propaganda politika sira, husi lider hotu, labele halo manipulasaun hodi ita nia nasaun bele lao ho estabilidade,” tenik Sekjer Partidu CNRT.

Joven Dili Apoiu La Sama Iha Eleisaun Parlamentar

STL, 25 Maiu 2012

DILI - Grupu Joventudi Hanoin Futuru (JHF), kompostu husi joventudi husi Delta, Bebonuk, Fomento I, no Becora, deklara sira nian apoia ba Fernando La Sama de Araujo (prezidente PD) iha eleisaun Parlamentar, 7 Julhu mai.

“Mate ka moris amo fo apoiu ba Senhor Lasama no vota ba PD iha Eleisaun Parlamentar,” Kodenador Grupu JHF, Joni Soares, hasai deklarasaun politika, iha Ruko Delta, Dili. iha nia deklarasaun politiku hatete katak PD maka nudar dala ida ba sira atu servi nasaun TL, Kinta (24/5).

Joni hatutan, hahu ohin ba oin, foin sae sira sai tama iha partidu PD nian, tanba haree lalaok politiku PD nian durante nee kapaas tebes. Tan nee maske mosu partidu barak, maibe jerasaun foun sira hatene fihir partidu nebe sei lori prosperiedade ba foin sae sira iha futuru. “Nudar jerasaun foun hakarak hamahan an iha grupu ida ne’e hodi kanaliza ami nia aspirasaun politika ba PD, ne’ebe ami haree akomoda duni ba joven sira nia hanoin,” hatete Joni.

Iha fatin hanesan, Vise Sekretariu Jeral PD, Eusebio Guterres hatete joventudi tempu ona atu reafirma aan, PD oras ne’e dadauk nakonu ho joventudi deit, halibur ema foin sae ne’e maka bele halo mudansa ba nasaun no povu nia moris.

Nia reforsa tan, PD nunka hanoin politika foer hasoru povu, PD hanorin politika mos, los no justu, iha partidu balun halimar money politika hodi sosa votus, ne’eduni joventudi sira tenke matan moris neon nain. Bainhira Partidu balun fo ba imi, diak liu simu deit, maibe vota ba PD, tanba PD maka dalan los ba demokrasia.

Eis membru Asembleia Konstituante nee hatutan, atu lori povu ba moris diak, laos ho maneira amiasa no money politik. Tan nee PD lakohi buat hirak nee akontese iha partidu demokratiku, osan povu nian atu halo dezenvolvementu ba rai doben Timor Leste.

“Partidu nebe uza meius money politik hodi sosa votus, PD kontra ida ne’e. Needuni nia husu ba militante no simpatizante PD katak, komesa ohin loron ba oin, atu mobiliza malu hodi vota ba PD.

“Eleisaun besik ona, lalika tan ba iha maun bo’ot ka maun ki’ik, maibe tenke iha prinsipiu ida atu bele termina ita nia futuru ba nasaun, futuru joventudi nian laos futuru maun bo’ot ka alin ki’ik sira nian,” nia hatete.

Iha oportunidade ne’e mos, Sekretariu Jeral PD, Distritu Dili, Nino Pereira hatete, organizasaun grupu joventudi sira rasik deside sira nia politika hodi fo apoiu PD. Grupu ida ne’e hanoin katak sira nia futuru iha sira nia liman rasik, tan nee presiza organiza an hodi fo sai ba iha publiku kona ba sira nia komitmentu politiku ba partidu demokratiku.

“Ami hamutuk ho sira, joven sira mai husi Bairo Delta, Bebonuk, Fumento Delta, no  Becora, sira nia reprezentansaun maka hamutuk iha fatin ida ne’e,” tenik Nino. car

Horta Iha PD Nia Kotuk, CNRT La Hakfodak

STL, 24 Maiu 2012

DILI - Sekretariu Jeral Partidu Congresu Nasional Reconstrusaun Timorense (CNRT), Deonisio Babo afirma, maski iha elisaun parlamentar tinan ne’e,  Eis  Presidenti Republika Jose Ramos Horta hamri’ik iha Partidu Demokratiku (PD) nia kotuk, maibe ba CNRT rasik sei la hakfodak, tanba povu mak sei determina iha elisaun.

“Hau hanoin ita nia Nasaun Demokratiku, neduni ami la hakfodak, se maun Jose Ramos Horta ba hamrik iha partidu PD nia kotuk, povu mak sei determina  iha votasaun,” hateten Sekretariu Jeral Partidu CNRT Deonisio Babo ba STL iha nia sede Bairo Grilus, Dili, Kinta (24/5).

Sekjen CNRT  ne’e hatutan, Patidu PD mos patidu ne’ebe nia  rasik koinese no respeita tebes, parese maun Jose Ramos Horta nia partidu la iha, neduni halai ba Fretilin la diak, mai CNRT la diak, nia hakarak ba apoio PD, ida ne’e nia Direitu Demokratiku ne’ebe ema hotu respeita.

Entertantu Deputadu husi bankada FRETILIN, Francisco Branco hateten, sidadaun hotu-hotu iha direitu atu opsaun tuir sira nia konsiensia haruka, nebe’e  iha sosiedade demokratika ida ne’e laiha ema ruma dehan labele, tanba ida ne’e sidadaun ema ida-idak nian. Informasaun kompletu iha STL Jornal no STL Web, edisaun Sesta (25/5). Jasinta Sequeira/Natalia Moniz 

Ramos-Horta apoiar Partido Democrático nas legislativas

22 de Maio, 2012

 

O ex-Presidente de Timor-Leste José Ramos-Horta anunciou hoje que vai apoiar o Partido Democrático (PD) nas eleições legislativas, marcadas para 7 de Julho no país. 

«Eu vou apoiar o PD, sabendo obviamente que os dois maiores partidos são a Fretilin (Frente Revolucionária do Timor-Leste Independente) e o CNRT (Conselho Nacional da Resistência Timorense)», afirmou José Ramos-Horta. 

O Partido Democrático é presidido por Fernando La Sama de Araújo, presidente do Parlamento timorense, e foi criado em 2001. 

O antigo Presidente timorense, que terminou o mandato no sábado, fez as declarações aos jornalistas na feira do livro, que começou hoje em Díli. 

«A minha única preocupação é tentar fazer subir o PD, para que haja uma democracia mais sã, com maior equilíbrio e dar verdadeiro espaço aos jovens do PD», salientou. 

Segundo José Ramos-Horta, a sociedade timorense ainda é muito patriarcal e «não alinha com a nova geração». 

«Tenho a obrigação de dar algum apoio ao PD, para que possam subir o número de cadeiras e negociar com força com a Fretilin ou o CNRT, o que eles decidirem fazer», disse. 

Questionado pelos jornalistas sobre se estaria disponível para assumir o cargo de primeiro-ministro de um novo Governo, José Ramos-Hortas afirmou que não exclui a hipótese. 

«A primeira preocupação é contribuir para que as eleições de Julho decorram muito bem, para que mais uma vez o nosso povo exerça o seu direito com total tranquilidade, e depois nas negociações de formação de Governo - inevitavelmente haverá coligações - é que verei se aceitarei outro cargo no futuro», declarou. 

Timor-Leste, que celebrou sábado o 10º aniversário da restauração da independência, realiza a 7 de Julho eleições legislativas. 

Lusa/SOL

Ramos Horta hateten katak iha eleisaun lejislativa, Nia sei fó apoiu ba Partidu Demokrátiku

22 de Maio de 2012 

Ohin, eis-prezidente Timor-Leste, José Ramos Horta fó sai katak, iha eleisaun lejislativa ne’ebé sei hala’o iha loron 7 fulan Jullu agora, Nia sei fó apoiu ba Partidu Demokrátiku (PD). 

“Ha’u sei fó apoiu ba PD, nó ita hotu hatene katak Fretilin (Frente Revolucionária do Timor-Leste Independente) nó CNRT (Conselho Nacional da Resistência Timorense) mak sai hanesan partidu bot”, tenik José Ramos Horta. 

Fernando La Sama de Araújo mak ka’er Partidu Demokrátiku nó Nia mós mak haksumik kna’ar hanesan prezidente parlamentu Eis-prezidente Timór nian ne’e, termina ninia mandatu iha loron Sábadu liu, nó Nia haktuir lia hirak ne’e ba jornalista sira iha feira do livru, ne’ebé hahú hala’o ohin iha Dili. 

“Ha’u nia únika preokupasaun mak tenta atu halo PD la’o ba oin, atu nune’e bele iha demokrasia ida ne’ebé di’ak liu tan, ho ekilibriu bot nó fó duni fatin ne’ebé klaru ba foin sai sira husi PD nian”, hatutan tan Horta. 

Tuir José Ramos Horta, sosiedade Timór sei patriarsál nó “la dook husi jerasaun foun”. 

“Ha’u iha obrigasaun atu fó apoiu ruma ba PD, atu nune’e númeru husi kadeira nian bele aumenta tan nó halo negosiasaun maka’as ho Fretilin ká CNRT, ba saida mak sira desidi atu halo”, haktuir Horta. 

Bainhira jornalista sira husu karik Nia prontu atu haksumik kna’ar hanesan primeiru ministru iha governu tuir mai, mak José Ramos Horta hateten katak sei laiha tan dalan seluk. 

“Preokupasaun dahuluk mak hakarak atu eleisaun iha fulan Jullu ne’e bele hala’o ho di’ak, atu nune’e ita nia povu bele uza sira ninia direitu ká bá tuir vota ho hakmatek nó depois iha negosiasaun hodi harii governu, inevitavelmente sei iha koligasaun, nó iha ne’e mak ha’u sei tetu, karik ha’u bele simu tan kargu seluk, iha tempu oin mai ká la’e”, tuir saida mak Horta haktuir. 

 Timor-Leste ne’ebé iha loron Sábadu liu ba foin selebra ninia festa ba restaurasaun independénsia ba dala-10º, sei hala’o eleisaun lejislativa iha loron 7 fulan Jullu agora. 

Lusa/Fim

Ramos Horta equaciona ser primeiro-ministro

• O antigo Presidente timorense já anunciou a sua escolha política. Apoiará o Partido Democrático (PD) nas eleições legislativas e não exclui a possibilidade de aceitar ser primeiro-ministro. 

22 de maio de 2012 

http://expresso.sapo.pt 

O ex-Presidente de Timor-Leste José Ramos-Horta anunciou hoje que vai apoiar o Partido Democrático (PD) nas eleições legislativas, marcadas para 7 de julho no país. 

"Eu vou apoiar o PD, sabendo obviamente que os dois maiores partidos são a Fretilin (Frente Revolucionária do Timor-Leste Independente) e o CNRT (Conselho Nacional da Resistência Timorense)", afirmou José Ramos-Horta. 

O Partido Democrático é presidido por Fernando La Sama de Araújo, presidente do Parlamento timorense, e foi criado em 2001. 

O antigo Presidente timorense, que terminou o mandato no sábado, fez as declarações aos jornalistas na feira do livro, que começou hoje em Díli. 

"A minha única preocupação é tentar fazer subir o PD, para que haja uma democracia mais sã, com maior equilíbrio e dar verdadeiro espaço aos jovens do PD", salientou. 

 Defender a nova geração 

Segundo José Ramos-Horta, a sociedade timorense ainda é muito patriarcal e "não alinha com a nova geração". 

"Tenho a obrigação de dar algum apoio ao PD, para que possam subir o número de cadeiras e negociar com força com a Fretilin ou o CNRT, o que eles decidirem fazer", disse. 

Questionado pelos jornalistas sobre se estaria disponível para assumir o cargo de primeiro-ministro de um novo Governo, José Ramos-Hortas afirmou que não exclui a hipótese. 

"A primeira preocupação é contribuir para que as eleições de julho decorram muito bem, para que mais uma vez o nosso povo exerça o seu direito com total tranquilidade, e depois nas negociações de formação de Governo - inevitavelmente haverá coligações - é que verei se aceitarei outro cargo no futuro", declarou.

Prezensa Maun Boot Ramos Horta ba PD

Prezidente PD, Fernando La Sama de Araujo iha Palacio Prezidente Aitarak Laran anunsia katak, maun boot Jose Ramos Horta sei lao hamutuk ho PD hasoru eleisaun parlamentar. 

Tantu publiku admira, tansa maun boot Ramos Horta la lao hamutuk ho Partido Fretilin ka Partido ASDT?. Tansa hamutuk fali ho PD?. Ninia razaun politika saida?. Husi fenomena politika ne’ebe matan bele ha’re, tilun bele rona durante asumi kargo Prezidente RDTL, dala barak deklarasaun maun boot Ramos Horta “hakbesik an liu” ba nuansa politika Partido Fretilin. I bainhira bes-besik hakotu iis, Avo Xavi rasik mos hakarak entrega ASDT ba maun boot Ramos Horta atu hadia. Maibe seidauk konsege. Sei prosesu nia laran. 

Besik eleisaun parlamentar, kharismatika politika Xanana Gusmao ho ninia partido CNRT, sae maka’as. Ninia influensia politika domina ba distritu hotu. Entertantu, Partido Fretilin pasca Lu-Olo lakon iha eleisaun prezidensial, ladun hatudu ninia agitasaun politika mak bele balancia ba influensia politika Xanana no CNRT. Ita la hatene loos, tansa euforia politika Partido Fretilin sai slow down hasoru eleisaun parlamentar. 

Agora PD mosu. La Sama anunsia katak, maun boot Ramos Horta sei lao hamutuk ho PD. “Prezidente Horta depois remata nia knar nudar Prezidente Republika, nia sei lao kampainha hamutuk ho hau ba iha fatin barak, distritu no sub distritu. Ami hein katak, povu sei ba vota,” hateten La Sama ba jornalista, Segunda (14/5). 

Prezensa maun boot Ramos Horta ba PD, bazea konkordasaun politika entre La Sama, maun boot Ramos Horta no Prezidente PNT Dr. Abilio Araujo hakarak lao hamutuk ho PD. Mesmu La Sama la dehan, ida nee laos alinsa, ita bele dehan bes-besik hanesan aliansa forca politika ida hasoru eleisaun. 

Sekarik hanesan aliansa ida, ami hakarak garis bawahi katak, ida nee opurtunidade diak ida ba tranzisaun lideransa politika nasional ba figura nurak sira. Figura Ramos Horta no Abilio, iha duni potensia atu fahe matenek, fahe sira nia opiniaun barak ba figura joven sira mak oras nee barak mak aktiva iha PD. Sekarik ninia objectivu halai ba ida nee, ami espera labele hare deit ba eleisaun maibe presiza kontinuasaun. ** 

STL, 16 Maiu 2012

PPT Sei Vota ba PD Iha Eleisaun Parlamentar

DILI - Partidu Povu Timor (PPT), maske lakon direitu konkore ho partidu politiku sira seluk iha eleisaun parlamentar. Maibe sei lakon direitu vota hanesan sidadaun. Tanba militante no simpatizante PPT sei vota ba vitoria Partidu Demokrat (PD) iha eleisaun parlamentar. Prezidente Partidu Povu Timor (PP), Jacob Xavier hatete, PPT nudar partidu sei nafatin ezisti, maibe labele konkore ba iha eleisaun parlamentar, tanba la aprezenta listra kandidatura partidu ba CNE tuir lei haruka. Maibe iha eleisaun parlamentar PPT sei la lakon votus, tanba militante no simpatizante PPT sei vota ba PD. 

“Ami nia partidu nafatin, ami mak la konkore iha eleisaun, maibe ami nia militante no simpatizante sei vota ba PD atu ukun,” hatete Jacob ba STL iha nia rezidensia, Tuana Laran, Segunda (14/5). 

Entretantu Prezidente Comicao Nacional das Eleicoes (CNE), Faustino Cardoso hatete, partidu nebe la aprezenta lista kandidatura, sei lakon direitu hanesan partidu politiku atu konkore ho partidu politiku sira seluk iha eleisaun parlamentar. “Sira labele lori simbolu partidu nian lao hamutuk ho partidu seluk kuandu la hatama lista kandidatura ba Komisaun nasional elisaun (CNE) antes hakat ba kampaine,” hatete Faustino. 

Prezidente CNE nee hatutan, partidu nebe legalizadu iha direitu atu konkore ba eleisaun parlamentar tuir prosedementu nebe iha, nee dever partidu politiku sira nian wainhira harii nudar partidu politiku nebe ho nia obrigasaun atu tuir eleisaun ho maneira aprezenta lista kandidatura. Nunee partidu politiku nebe mak aprezenta lista kondidatura, bele konkore ba eleisaun, maibe partidu nebe mak lahatama lista kandidatura sei la bele tuir eleisaun. 

“Se sira (Parpol red) hakarak tuir partidu seluk, nee nudar individu laos partidu, tanba lei la fo dalan atu lori atributu partidu ida nian ba fo apoiu fali ba partidu seluk, nudar individu bele maibe nudar partidu labele,” tenik Faustino. Iha fatin hanesan Vice Prezidente Partidu Povu de Timor (PPT), Francisco Pinto hatete, iha elisaun parlametar, PPT la hatama lista kandidatura, maibe sei lao hamotuk ho partidu boot balu. 

“Lista kandidatura ami nia la hatama, maibe ami ho diresaun partidu politiku dalaruma sei integra aan ba partidu boot balu,” dehan Francisco. 

Partidu Politiku nebe mak sei konkore iha eleisaun parlamentar hanesan UDT, PR, PDN, PUN, PD, PTD, PSD, FRETI- Mudansa, KHUNTO, CNRT, Fretilin, PDP, ASDT, PST, PDC,PDL, A-PMT, no Undetim, Parpol mak halo Koligasaun antes eleisaun mak hanesan Aliansa Demokratika mai husi Kota no PTT, bloku proklamador kompostu husi PMD no PARENTIL, ikus liu mak koligasaun PLPA no PDRT, enkuantu PPT ho PNT la hatama lista kandidatura. lay (STL, 15.5.2012)

PD Hamutuk ho Horta Hasoru Eleisaun Parlamentar

DILI - Prezidente Partidu Demokratiku (PD), Fernando La Sama de Araujo hateten, iha eleisaun parlamentar 7 Jullu 2012, Prezidente Jose Ramos Horta, sei lao hamutuk ho PD.

“Prezidente Horta depois remata nia knar nudar Prezidente Republika, nia sei lao kampainha hamutuk ho hau ba iha fatin barak, Distritu no Sub Distritu, ami hein katak povu nee sei ba vota,” hateten La Sama ba jornalista, Segunda (14/05), iha Palacio Prezidente, Aitarak Laran.

Nia informa, PD agora halo preparasaun atu enfrenta eleisaun. Iha eleisaun parlamentar sei lao hamutuk ho Jose Ramos Horta, tanba iha loron hirak liu ba La Sama, PR Jose Ramos, ho Prezidente PNT, Abilio Araujo halo tiha ona konkordansia atu lao hamutuk, laos atu koalia kona ba aliansa maibe koalia kona ba intendementu.

Nia haree katak, Jose Ramos Horta hanesan figura ida, nebee haree ba iha PD ema mesak foinsae. Needuni nia hakarak akompainha joven sira, atu prepara ba iha trazisaun. Tranzisaun 2017, needuni katuas tenke reforma. Nia dehan, PR Horta ho Abilio Araujo apoia makaas iha PD hodi aumenta tan forsa ba iha PD rasik.

Antes nee, PR Horta hateten, bainhira remata nia mandatu nudar Prezidente Republika, nia sei tuun ba iha baze hodi halo politika. “Hau remata tiha hau nia mandatu iha loron 19 Maiu, liu loron rua sei ba iha Aileu hodi mobiliza massa hasoru eleisaun parlamentar,” hateten Horta.

Entretantu Sekretariu Jeral Partidu Demokratika (PD) Distritu Dili, Nino Pereira, informa, agora dadauk ekipa vitoria husi Prezidente Republika, Jose Ramos Horta lao hamutuk ona ho PD.

Agora sira nia ekipa vitoria lao hamutuk ona ho ami, hodi halo konsolidasaun hasoru eleisaun parlamentar oin mai," nia hateten. Tuir Nino Pereira, Distritu Dili maka sei sai barrometer ba iha eleisaun parlamentar. Espera katak PD Dili, sei metin no votus aumenta.

“Hau hanoin partidu hot-hotu, Fretilin, CNRT, PD sei kompete makaas iha Distritu Dili, tanba nee maka iha Dili ami nafatin faan figura La Sama ho Assanami para bele manan konfiansa husi joven no inan aman sira. Ho ida nee maka ami bele oferese kadeira tolu ba iha parlamentu,” nia hateten.

Nia hanoin, atu tama ba iha eleisaun parlamentar, PD kontinua hametin nia estrutura husi aldea ba distritu, nunee mos harii rede labadai para boot nafatin eleitores nebee foun no mos sira laiha partidu atu hamutuk ho PD. car

STL, 15.5.2012

Programa PD Sei Fo Benifisiu Ba Povu

DILI - Programa Partidu Demokratiku (PD) ba elisaun parlamentar nebe’e sei halao iha loron 7 Julhu tinan ne’e, maka oinsa bele benifisia povu iha area Dezemvolvimentu iha tempu ukun a’an.

Deputadu husi bankada PD Joao Adriano ba STL, Kinta (10/5), hateten sira nia programa sei nafatin hanesan programa nebe sira fo sai ona iha 2007, nebe topiku principal maka hametin ukun rasik a’an.

“PD nia programa hahu husi okos mak sai mai, atu nune’e povu sira nebe’e ke hela iha area de motas bele hetan benifisiu dezemvolvimentu iha tempu ukun a’an,” hateten Deputadu João  Adriano.

Deputadu bankada CNRT, Paulo Martins hateten, hela deit fulan ida Partidu Politiku (Parpol) hotu atu halao sira nia kampaina ba elisaun parlamentar, tanba ne’e partidu hotu prepara ona   sira nia programa atu koalia ba povu hodi fo konfiansa ba sira. Informasaun kompletu iha STL Jornal no STL Web, edisaun Sabado (12/5). Jasinta Sequeira 

STL, 11.5.2012

PD Dili Sei Hetan Kadeira 3 Iha Parlamentu

DILI - Sekretariu Jeral Partidu Demokratika (PD), Distritu Dili, Nino Pereira garante katak, iha eleisaun parlamentar tinan ne’e sira sei hetan kadeira 3 iha Parlamentu.

Sekjen PD Dili, Nino Pereira katak Distritu Dili maka sei sai barometer ba iha eleisaun Parlamentar. Espera katak PD Dili, sei metin no votus aumenta.

“Hau hanoin partidu hot-hotu, Fretilin, CNRT, PD sei compete makaas iha Distritu Dili, tanba ne’e maka iha Dili ami nafatin faan figura La Sama ho Asanami para bele manan konfiansa husi joven no inan aman sira. Ho ida ne’e maka ami bele oferese kadeira tolu ba iha parlamentu,” hatete Sekjen PD, Distritu Dili, Nino Pereira ba STL, Kuarta (9/5), iha Dili.

Bazea ba rezultadu iha eleisaun prezidensial foin dadauk ne’e, iha Dili nia numeru aumenta, ho indikador ida ne’e maka sira kuntinua fila fali reforsa strutura iha baze. Informasaun kompletu iha STL Jornal no STL Web, edisaun Kinta (10/5). Oscar Salsinha 

STL, 9.5.2012