PD defende Liberalizasaun ba Telekomunikasaun maibe hatama fali Broker

Bobonaro, 10 Junho 2012

 

Partido Democratico (PD) ninia kompromisu wainhira kaer ukun mos tau atensaun ba iha sektor Telekomunikasaun ne´ebe nudar kompromisu koletivu AML (Aliança Maioria Parlamentar) liu husi Programa IV Governo Constitucional ne´ebe hetan aprovasaun iha Parlamento Nacional (PN) iha fulan Setembro tinan 2007. Iha kampane iha Sub-Distritu Bobonaro, Domingo (10/06/2012),  Fernando La Sama de Araujo (FLA) haktuir katak ”PD ninia kompromisu mos atu liberalizasaun ba setor telekomunikasaun, atu nune´e merkadu iha sektor Telekomunikasaun kompetitivu no fó beneficiu ekonomika no sosial ba ita nia povu”.

"Maibe liberalizasaun la'os signifika tenki hatama fali kompania broker sira, tamba se hatama kompania broker se la fó beneficio ba Estado no populasaun em jeral nudar konsumidores”, argumenta FLA,  Presidente Partido Democratico e kandidatu ba PM iha V Governu Constitucional.

Tuir komunikadu husi Governu, iha segunda-feira (04/06/2012), haktuir katak: “iha ona kompanias 4 mak ható ona sira nia interese hodi participa iha konkursu hatama dokumentus iha loron 12 fulan Abril 2012”.

Kompanias sira mak hanesan:

1. Dicigel Pacific Limited (Pacifico e Caraibas)
2. PT Gapura Caraka Kencana (Indonesia)
3. PT Telekomunikasi Indonesia Internasional (Indonesia)
4. Vitettel Global Investiment Joint stock Company (Vietnam)

Maibe ONG ne´ebe mak halo advogacia ba Tecnologia de Informação e Comunicação Timor-Leste (ICT) ható sira nia beneficiu dúvidas konaba perfil no performence kompanias rua (2) husi Indonesia ne´ebe tuir mos tender, hanesan: PT Gapura Caraka Kencana (Indonesia) no PT Telekomunikasi Indonesia Internasional (Indonesia). Tamba tuir porta voz ICT Timor-Leste, Abilio Bernardo haktuir liu husi konferensia imprensa, sexta-feira (08/06/2012) iha Restaurante Mulata, Dili, katak: ”ICT TL duvidas ho kompanias rua ne´e ninia performence no esperiencia iha setor telekomunikasaun”. Hakerek ICT TL iha dokumentus, ”kompanias rua ne´e, PT Gapura Caraka Kencana (Indonesia) no PT Telekomunikasi Indonesia Internasional (Indoensia) la iha kapacidade teknika no performence iha operado teleomunikasaun”. Hakerek dokumentu ICT Timor-Leste, ”kompanias rua ne´e ninia naran la tama iha lista Union International Telecomunication”.

Partido Democratico defende no favor ba liberalizasaun, se kompanias sira ne´ebe tama ne´e mai atu kompete no beneficiu sosial, ekonomika ba estado no populasaun em jeral nudar konsumidores. Se kompanias broker sira maka tama, prejudika ba konsumidores no prejudika Estado!

Kontaktus:

E-mail: depinfopd2012@yahoo.com.br

Telf: 7555888 (Manequin) e 7519609 (Vitor Tavares)