STL, 19 Junhu 2012
Dili - Prezidente Partidu Demokratiku (PD), Fernando La Sama de Araujo hateten PD sei la halo koligasaun ho parpol seluk depois eleisaun.
“Iha informasaun ne’ebe espalha katak La sama halo tena kontratu ho partidu seluk, ne’e lia falsu maibe sei PD manan maka foin tetu atu lao hamutuk ho partidu seluk,” dehan La Sama ba militantes no simpatizantes sira iha Distritu Ainaro, Sub Distritu Maubisse, Segunda (18/6).
Alende ne’e La Sama mos husu ba militantes no simpatizantes sira katak la bele fiar boatus ne’ebe dehan PD halo ona koligasaun ho partidu sira seluk hanesan CNRT ka FRETILIN, tamba informasaun ne’e lalos no falsu.
La Sama esklarese liu tan katak Agora dadaun Laureadu Nobel da Paz Jose Ramos Horta, Prezidente PNT DR. Abilio de Araujo no Prezidente PPT Jacob Xavier maka dadaun fiar ba PD tamba ne’e desidi lao hamutuk ho PD atu nune’e PD bele manan hodi kaer ukun hadia no aselera desenvolvimentu. Informasaun kompletu iha STL Jornal no STL Web, edisaun Kuarta (20/6). Jaime do Rosario
TD
Sem comentários:
Enviar um comentário